Sangro Tebenjem

 ~ N. Saku Imsong, 4th Mile, Diphupar: Dimapur.

Hai shisatangangju, tebenjem lanur ka
Jenjangji, atsü ki nung naro tajung apong ama lir
Lokti aser kibong nung teronem tajung adokdaktsür
Aji arogo asoshi senti rongsen lir,
Yimden asoshi tarutsü nükla lir
Alima nem teimla agütsüba, aji lanur taküm.

Hai arungma aposoang asen lima yangluti.
Nüktzü yima tzüsener tsüngremer mimong apotetti koda.
Telongjemji temeim süngjang ta angateta
Tai tokteper tesünep yimjung adokdaktsüti.
Tarutsü asen putu dak rangloker
Asen lima yangluti koda shisatang nee.

Putusen tarutsü putuji asen lanur meyong lir
Iba asoshi asen tsürapur taküm jenti tenlaogo nee.
Bilemdangangju hoe asen lanurtem.

Alnur ajungkedtsüji arogo mezüng watang asütsüla.
Kechiaser alim sentong ajakji lanur putu asoshi lir.
Oh tanü lanurtem sendokra asün teimla mali.

Saka koda tesasatsüka nü lanuwa teti malitsü
Anüng nung mepet süitema ao medem, asen mapang
Ken tangako atapisüa telima oh lanurtem.

Arung asen lanurtem, aseni inyaktettsü mapa ajak
Inyakti, nai ngutetba shisatsü ajak aneta bener
Arung. Alimai na nungi kechi imlar atalokdakjangma
Senti mapang alangzükang, ya mapang tajung lir.

Nü taküm lemang nung tsüngrem tama südakjang,
Kechiaser senso lima memeimere, loktiliba raksatsür.

Septsü tentsü mopongi salang anokshitsüdang,
Sorkari züzüa toktsütang lanur tali alentepti
Longjema lira anokshiaka melaotsü.
Tatüm küma ya shinür, arogotemi sarasademjang
Yimsüsürteme ne jaja lemang shidak tsüngrem
Pelatsüsa sayuang, aser oh tebenjem lanurtem
Nüno nungerteme nenok aküm tsübur, onoki nenok
Dak yimlar, anungji lanurtem akaasor mapusora
Lanu putu yimli ayatai. Kuknalim.