Sangro zülur nüngtugu Mahapatra-i award meyipa agütsü

Bhubaneswar, November 22 (Agencies): Sangro zülur nüngtugu, Jayanta Mahapatra-i linük nung mepetmesü aliba tensa anema lungkak aitba temaitsü Padma Shri award meyipa agütsüogo.
Tir Pranab Mukherjee dangi züluba shidi nung Mahapatra-i, “Kü mera yabo tila ka dang. Ajisüaka tang linük nung mepetmesü aliba kulitem ajanga lungkak aitba temaitsü ni iba mera agir. Ni award meyipa agütsüner…Ni agiba mera ya linük akhüm metsübuba temaitsü ta mezüngshidaktsüner,” ta zülua lir.
Arishi küm 88 Mahapatra-i civilian award ya 2009 küm agizüka liasü.
“Iba ya nija telemtetba ka lir. Ni mapang talangka shisadanga aruogo, saka tatalokba kar ajanga ni temelung kanga yiruba ajanga iba award meyipa agütsütsü ni lemtet. Angoshi osangkakettem nung tatalokba karbosa alir. Nai iba ya achitsü makok, nai ibaji achitsü makok ta alir. Iba ajanga ni melung yirur,” ta Mahapatra-i Times of India dang ashi.
Paisa, “Sahitya Akademi awards m,eyipa agütsürtem den ni kecha tesentakatep mali. Ni parnok den-a mejembir. Iba ya arishi küm 88 tambur ka nungi ola tila ka dang, aser iba ya aajnga tebilemtetsü mekoktettsüa akok,” ta ashi.
Odisha state nungi tang mezüng sorkar anema award meyipa agütsüba pa asütsü.
Pai Odia oshi nung kaket tenet aser English ochi nung kaket 20 ta ajak agi kaket 27 züluogo.