Sangsangnyu nung EAC Office aser VG Barrack semzükogo

Dimapur, October 27 (TYO): Brihostibarnü Horticulture Minister, Kejong Chang-i Tuensang district kübok Sangsangnyu nung EAC office aser Village Guards Barrack semzüktsü aser Tuensang Deputy Commissioner, L Jamithung Lotha-i Tourist Reception Center semzüktsüogo.
Iba sentong nung Changsang range nung alirtem, DBs, GBs aser district ketdangsertem aika dena liasü.
Sentong nung jembidang Kejong Chang-i, Sangsangyu ya Block ka aser EAC HQ ka lir ta metetdaktsüba den külemi sorkari terenlok mapatem inyakba atema pelaba metetdaktsü.
Paisa nüburtem dang sorkar ketdangsertem den amalitepa inyaktsü ajungshiba den külemi public kiojentem kümzüka aser wazüka ayutsü mepishia metetdaktsü.
Kasa sentong nungsa Tuensang Deputy Commissioner, L. Jamithung Lotha aser CRSU Tir natia jembia liasü.
Sentong nungsa Hakchang Students Union-i ken ka aten.
EAC, Sangsangyu, Tsiatsusie leniba nung iba sentong agi, aser Executive Chairman, CRGBs Union, N. Somba-i tepela anküp o jembia liasü.