Sangtam oshi nung züluba kaket ka saya

Dimapur, Sept.01(TYO) : Naga nungertem taoba mapang alima kin asem, British, America aser India nunger kübok lia arudang ajangshiba mapa aser mapangtem indang Wb. Kibangwar Jamiri züluba kaket ka, pa dang asüngdanger Sangtam oshi nung nübortem ajangzükdaktsütsü asoshi Rev.T.Tsipise-i meyiper züluba kaket ka tanü Hokolbar nü Dimapur nung Sangtam Literature Board nung mendenbuba Dr.N.T.Meren Sangtami sayatsüogo.
Iba kaket ya UNDP Nagaland tir Wb. N.Hotongse Sangtami tenla agütsüba teyari ajanga adokba liasü. Iba kaket nung Naga nunger British, America aser Indian nunger kübok kechikoma tia ka nung lia aru, item tensa tia indang shia angutsü.