Sangtam Union-i Mungmung benjung among

Longleng, Rongjui/September 05 (TYO): Yashi Longleng DC kidang Sangtam Union Longleng-i 2buba MungMung benjung kanga longsoa mongogo. Iba sentongji Deputy Commissioner Longleng, John Tsulise Sangtam-i ayongzüka liasü.
Onük tatsüka ajembidang pai atongtibang nisungtem, ankappangtem aser teushi tajeokertem pelaa agitsü. paisa, iba benjungmong ajanga nüburtem longjemdaktsür, ta ashi.
Sangtam nungertemi sobaliba ken “Longmi Khi” aten aser anükapangtemi temeyoktep ken ka aten. Sentong nungsa GM DIC Longleng, Akhaba Sangtam-i MungMung benjung teraet lemsatepa liasü.
Iba sentong nung Phom Peoples’ Council, Phomla Hoichem, Head of Departments, Phom Students’ Conference, Dobashis, anameta yimtsüngtem nungi Chairman aser Head GB, Arogo balala nungi Pastor tem, PBCA Executive Secretary, Public lenirtem aser temeimertem densema liasü.
MungMung benjung chiyung atema St. Joseph Secondary School Longleng nungi
Fr. Charles-i meshitettsü.