Sania indang kaket SRK aser Salman nati sayatsütsü

Hyderabad, July 12 (Agencies) : Bodhbarnü Hyderabad nung tennis asayer Sania Mirza taküm otsü kaket ‘Ace Against Odds’ sayatsütsü asoshi Bollywood actor Shah Rukh Khan renema lir.
Kaket ya hopta ka tejakdang sayadokogo aser iba kaket nung jalai takok anguba aser mamatetba tatalokbatem den tang tashi la dak atalokbatem zülua lir, ta Sania tebu Imran Mirza-i ashi.
“Iba kaket zülutsü ya lai apitet. La taküm otsü ya küm pongu shi nung züluma-a kaket aküm,” ta pai PTI dang ashi.
Sania Mirza indang taküm otsü kaket ‘Ace Against Odds’ ya Harper Collins-i publish sütsü aser memunui Mumbai dena yimti aika nung sayatsü. Mumbai nung iba kaket ya Salman Khan-i sayatsütsü akok.
Shilem 40 keta aliba iba otsü kaket nung la arishi küm pezü pongu asüba mapa nungi tenzüka tang mapang tashi atalokba tem zülua lir, ta tebuisa ashi. Iba kaket ya tebu tena sentepa züluba lir.