Sania Mirza-a tan mezüngsüa ‘Koffee with Karan’ nung adentsü

Mumbai, November 07, 2016 : India tsür tennis asayar Sania Mirza aser choreographer aser film yanglur Farah Khan na külemi film yanglur Karan Johar indang chat show “Koffee With Karan” nung shilem agitsü.
Sania aser Farah nati iba sentong nung shilem agitsü yongyaba Twitter ajanga lemsatepogo. Iba sentong ya Star World aser Star World HD channel tem nung angutsü
“Happy New Year” film yanglula, Farah-i, “Ni kanga sapuba nisungtem, Sania Mirza aser Karan Johar #wonthehamper na den ‘Koffee’ atema tangoker,” ta tweet asü.
Sania-ia parnok set nung amungdang la gown temerem ka semer Farah den tangokba noksa ka lemsatepogo.
Sania-i, “Kar Koffee jemner na? Koffee with Karan nung tan mezüngsüa shilem agir,” ta post asü.
Iba sentong taoba mongpu ana nung nüngtugu actor aser director tem Amitabh Bachchan, Shah Rukh Khan, Kajol, Rani Mukerji, Kareena Kapoor, Saif Ali Khan, Preity Zinta, Aishwarya Rai Bachchan, Sanjay Leela Bhansali, Gurinder Chadha, Farah Khan, Abhishek Bachchan, Anil Kapoor, Sonam Kapoor, Parineeti Chopra, aser Alia Bhatt nunger dena parnok star aikati shilem agiogo.
Tan mongpu pungububa ya November 06, 2016 nü Shah Rukh aser Alia nati shilem agia tenzük.