Sania Mirza aser Barbora Strycova na Miami Open final tongogo

New Delhi, April 1 (Agencies) : Deobarnü Miami Open semi-final, tetsür tarep asaya nung Sania Mirza aser la den lokteper tarep asayala, Barbora Strycova nati Martina Hingis aser Chan Yung-Jan na makoktsü amai tenzük, ajisüaka tesülen 6-7, 6-1,10-4 agi tenati akokba ajanga final asayatsü maongka ngutetogo.
World No 3 tarep asayar Sania aser Strycova na Gabriela Dabrowski aser Xu Yifan na den final asayatsü.
Sydney International asayamung nung tenati tanabuba jenjang nung takok angu aser taküm atema tena asoshi iba ya final asaya tanabuba asütsü.
Brisbane nung America nunger Bethanie Mattek-Sands tena senteper takok anguba sülen Sania-i ano takok marok tanabuba angutsü asoshi merangtsü.