Sania Mirza-i 2015 Khel Ratna sempet agizükogo

India Tir, Pranab Mukherjee-i India’er tetsür tennis asayar mongin, Sania Mirza nem 2015 Rajiv Gandhi Khel Ratna sempet amoktsüba noksa nung angur. (New Delhi, August 29)

New Delhi, August 29 (Agencies): India’er tetsür tennis asayar mongin, Sania Mirza-i 2015 Khel Ratna sempet tanü Honibar nü agizükogo.
Delhi yimtiba kübok Rashtrapati Bhawan nung sentong tajung ka agia, India Tir, Pranab Mukherjee-i India indang tematiba saisapong sempet ya Mirza nem amoktsü.
Mirza-i tanü sempetji agizükba sülen Leander Paes sülen anidaka iba nungtugu Khel Ratna sempet agizüker tennis asayar tanabuba kümogo.
Tir, Mukherjee-i India’er tsüngteper, Mandeep Jangra aser toktepa asemer, M R Poovamma na den külemi, cricket asayar, Rohit Sharma nunger nema kasa sentong nung Arjuna sempet agütsüba osang jangjaogo.
Ajisüaka, tanü sentong nung Rohit-i shilem magitettsüsa akümba osanga jangjaogo.
Mirza-i Khel Ratna medal agizükba den külemi, kulikaket aser senpet sen lakh 7.5 agizük aser Arjuna sempet agizüker shia nem kürakyanglu tila ka, kulikaket aser senpet sen lakh 5 agüja liasü.
Tanü sempet agizüker tarensen yamai lir:
Rajiv Gandhi Khel Ratna : Sania Mirza.
Arjuna Award: P R Sreejesh (hockey), Dipa Karmakar (gymnastics), Jitu Rai (shooting), Sandeep Kumar (archery), Mandeep Jangra (boxing), Babita (wrestling), Bajrang (wrestling), Rohit Sharma (cricket), K Srikanth (badminton), Swarn Singh Virk (rowing), Satish Sivalingam (weightlifting), Santhoi Devi (wushu), Sharath Gaekwad (para-sailing), M R Poovamma (athletics), Manjeet Chhillar (kabaddi), Abhilasha Mhatre (kabaddi) aser Anup Kumar Yama (rollerskating).
Droncharya Award: Naval Singh (athletics-para-sports), Anoop Singh (wrestling), Harbans Singh (athletics-lifetime), Swatantar Raj Singh (boxing- lifetime) aser Nihar Ameen (swimming-lifetime)
Dhyan Chand Award: Romeo James (hockey), Shiv Prakash Mishra (tennis) aser T.P.P. Nair (volleyball).