Sania Mirza-i küm ana atonga World No. 1 jenjang nguogo

Hyderabad, October 30 (Agencies): WTA Finals Singapore title nung Martina Hingis aser India tsür tennis asayar, Sania Mirza nati tamakok nguaka Sania-i taküm agi küm anabuba atonga tetsürtem doubles nung mezüngbuba jenjang nguogo.
Yashi defending champions Sania aser Hingis nati Ekaterina Makarova aser Elena Vesnina na den WTA Finals Singapore semifinals nung tamakok angu.
Iba sülen tanü Makarova aser Vesnina nati Bethanie Mattek-Sands aser Lucie Safarova na madak takok ngua title nguogo.
Tanü Singapore nung India nunger osangbenertem den jembidang Sania-i, “Ni kanga pelar. Küm anabuba number one jenjang anguba ya akhümket lir,” ta ashi.
Taküm Sania-i Hingis den külemi Australian Open, aser Barbora Strycova den Cincinnati Masters title nguogo.
Sania aser Hingis na pilaa liasü ajisüaka tanaben longjema WTA Finals Singapore nung külemi asaya saka tamakok nguogo.