Sanjay Dutt jail nungi adokra kanga pelatsü: Salman Khan

July 05, 2015: Bollywood actor Salman Khan-i pa tembar Sanjay Dutt jail nungi adokba mapang pa kanga pelatsü ta shiogo.
1993 küm Mumbai nung bomb aika pokdakja nisung aika asüba ken o nung tang Sanjay Dutt tepoukdak lir.
Sanjay Dutt kobi melii jail nungi adoktsü asünungji pa adokba sülen party ayongzüktsü asü (?) ta Salman dang asüngdangba langzüdang pai, “nenoki angashiba osangtemji ajakbo (teperi) masü. Pa leave nung adoktsü. Ajisüaka pa kodang atemzükja aliba mapang abensadir, joko pa asoshi talenba kecha malitsü. Taimaket nisung ka asütsü. Ibaji onoki aginer, aser iba mapang nungji onoki party ayongzüka akatsü,” ta ashi.
Salman anema-a gari agi nisung tsükseter ajenba ken o nung bail nung chioka lir, aser pai tongti shilem agia aliba`Bajrangi Bhaijaan’ film nungi`Aaj Ki Party’ ken sayaba sentong nung pai osangbenertem den Sanjay Dutt indang lemsatepa liasü.