Sanjay taküm otsü film nung shilem atema nümatanga bilemer: Ranbir

Mumbai, April 12 (Agencies): Actor Ranbir Kapoor-i ashiba agi, Sanjay Dutt taküm otsü film yangluba tesadang dak tali temogo. Pa iba film nung Sanjay ama shilem agitsü.
Mongolbarnü 4buba 2017 Lokmat Maharashtrian Awards red carpet sentong nung Ranbir tereprangtsü melenshir liasü.
“Nenoki ni Sanjay Dutt mesüka ngua alitsü; movie shilem 60 shibo tangokogo aser yakta tembangtsü,” ta pai ashi.
“Ni Sanjay Dutt taküm otsü film nung shilem agitsü asoshi maongka anguba atema kanga nemadanga bilemer. Vinod sir (Vidhu Vinod Chopra) aser talisa Sanjay sir dang iba maongka atema kanga pelar,” ta pai shisem.
Jagga Jasoos film indang asüngdang dang Ranbir-i yamai ashi, “Jagga Jasoos film sayatsü asoshi anogo atsülanga liasü saka yakta sayatsü. July tashi nungbo iba film sayatsü ta bilemer.” Pai maneni iba film ajungketba sentong nung Katrina Kaif-i shilem magiba osang pai aija liasü. Iba film nung Katrina dena shilem agir.
“La film tangokba tembangba sülen azünga aliba mapang nung film ajungketba sentong nung shilem agitsü,” ta paisa ashi. Taoba mapang nung Katrina den pai ‘Ajab Prem Ki Ghazab Kahani’ film nung shilem agia liasü.