Sanjeev-i Olympics nung shilem agitsü jenjang angu

New Delhi, February 02 (Agencies): India nunger prangpong toktepa kashishir, Sanjeev Rajput-i Rio Olympics nung shilem agitsü jenjang tanü, Mongolbar nü nguogo.
New Delhi nung ayongba Asian Olympic Qualifying Competition nung Sanjeev-i tebur 50m rifle 3 positions tetoktepba shilem nung 4 buba jenjang ngua India tenüng nung Olympics nung prangpong toktepa kashishitsü tetoktepba nung shilem agitsü jenjang angur asayar 12 buba aküm.
Küm 4 tejaklen ayongba London Olympics nunga India’er prangpong toktepa kashishir 11-i shilem agia liasü.
Arishi küm 35 tain Sanjeev-i ajak agi points 429.5 ngua asayar 8 densemba final asaya nung 4 buba jenjang angu.