Sannüker Ana

–  I. Imdang.ozüküm.E.Er BSNL

(1) Mezüngbuba Tsüngrem tenzüker: Iba sannüker yagi par arogo nung san ki aser san tenüng ajak meteta lir. Aser san arokushia bushir santem tenüng kodanga mamar aser anogo shi parnok tesendaktep lir
(2) Tanabuba Tenzüker yagi santem ki kata mangu aser san tem tenüng pai metetnüba dang metet,
(3) 1st Tsüngrem tenzüker sannüker pai shingai memetet dang santem shirangdang pa tama oa sarasatemtsür
(4) 2nd Tsüngrem tenzüker yagi santem memetetji kodasür san shirangba metettsü.
(5) 1st Tsüngrem tenzüker yagi san tasen tejen telemsa mali sentep nung teti shilem agütsür aser santem anidener.
(6) 2ndTsüngrem tenzüker yagi tejangrar aliyonga tangar nem sentep magütsür aser sentep ajakji pa meyong.
(7) 1st sannüker ya ajanga temeshiba nung amangertem madang pa tatishitsü ka ama alir. 1st Timoti 4:16
(8) 2ndTsüngrem tenzüker ibai ali tashi sentep-i marutsü ta jembir pa dak santemi lakteta doker. Saka temeim santem, San nüker amanger masu, Tsüngrem amanger ta metettsü junger,
(9) 1st iba sannüker ya kidang mamener aser tanüla nung tashi maiter ajak ki semdanga teti senzür.
(10) 2nd Iba sannüker par kidangi aoyonga tebutsüia arua mejembir sannüksang yagi pelaa mejembir,
(11) 1st Iba sannüker yagi sentep ano shinga marudang suoshi tajung agir sentep kima menürema salema atar Aser tsüngtsüng matemdang pa sentep kilong nung ken tena atar,asentenshi ken atendang pasa teka tamaba. Nokdaker ken anishir nübortem ajungmesor. Asentenshi yongyaba pastor.
(12) 2nd Tsüngrem tenzüker sannüker yagibo teti sentep tsüngtsüng tanaben atemdangang sentepi atur aser asentenshi ken atendang pa tekaji menten temutonglokba nungji tekaji mesangloker asentenshi ken ta asüdang kenji matener.ken atendang teka mematenbaji kotaki aotsü sannüker na ? David ya alima nungbo chuba tulutiba liasü, 2nd samuel 6:12-23 obed-edom kidang nungi ozüng süngden bener atokdang David tanula nung temang nung taküm nung yimya jaklaliro nung putir temeshi soputsü sopur liasü. David-i ozüng süngden jakdang tsüngsang, tebutsü Maikel-i David maksüdakja lutsü, la mulung nung aliba temai atoka chuba prestige kechiba maintain masur ta ashi, Tsüngremi la masü tashi tanur masotsü tapongla kümdaktsü, Asentenshi milak yokang ta jempir asentenshi molungjang mali teka mamar nung koda milak alutsü.Lenir yamaji süra nütsüng dak koda milak jangrutsü.Tanülai tsüngsangdaktsür, kotak nung aser alima nung kechisarina agi kibuba Tsüngrem pelaseta tenüng asangtsü
Laishiba nungji shia lir sannüker T/Ken150 Na teka mamatsü tangar metsüdakdaktsüba sannüker,tenzüker masuno koda?tamasa emotional ajisur conversion, aser rebentence, alima shisa taka agi tesungmangtsü ka sayutsüngitettsü akok 1st Korent 2-12-13.saka Tsüngrem-i asenok num kechisa angati agutsü itemji metettsü asoshi asenoki alima tanula magizük,Tsüngrem nungi aruba tanula agizük.( v,13(c) tanula sayuba o tem nung tanula tebilembatem tanüla nisungtem dang rateta sayur
(13) 1st sannüker yagi tulu tila takar makar ajak den kanga menürema sasapelaa salema jembir aserTsüngremi Moajang ta shia salemerji nisungtemji kanga pelar aser tenüng asüngdanga tembar akümer, sannüker kaji akhum tulu asünung sannükeri kü den salema jembiogo ta pelaseta tangar danga shia temoatsü kanga nguogo ta jembir Nisungi junger ta asübaji Tsüngremia junger ta asütsü ta ajaki bilemer.
(14) 2nd sannüker ya prestige onsara, pai tulurtem takartem den dang jembir. Aser mashi den meteta aliyonga Salem masur, aoksaa ka salemtsüsaka aküm nungbo tejak nungji merangloki o-a mejimbi-i salemer. Sayutsüngir aru yonga mesalemba sannükerji Kotak kikümbang nung nokdaker santem kwika anitenya alitsü mesüra santem tejangraba tepset ya alitsü ? Prestige agi kotaki maotsü ? Tsüngremer wadang tulu inyak nung aser Degree agi masü. Yakob 3:17,Saka temaba nungi aluba shisatsüji ya, tamasa temeruk,ajisur tesunub,ajemalu, temulungjang tanük,yimlipilem tejang tajung agi sünga lir,tatidaktsü maka anemsü maten, yimjung yanglurtemi tesünep nung temeshiba süngjang proker.
(15) 1st Tsüngrem tenzüker yagi ya kanga junga metet 1st Timoti 4-16. Na pei indang aser nai sayuba indang temulung tenang, item nung maneni liang kechiyong item ajak nung nai peisasa, aser nu o angashirtem anaprongla kümzüktsü, (shi nung prokra ajishi nung arutsü tanula nung prokra tanula nung arutsü.)
Nibo temeshi ta tamangertem, tangar dak tai ajitetetem. khrista anemer den kasa jenjang kümra koda tesasatsü.Shitak mesükba lenmang ka saka iba tatembangji tasüba lenmang nung asenok aika jajar, ken nunga ashir Kodak yimli alima nung nisungi yangertsü temela masü, saka yangertsüla.Tsüngrem tenzüker kari ashi, ya alima nung alirji taiji menatsüsa, saka Yisui ashi, nenok temeshi liang kechiaser ni temeshi lir. Laishiba nung aliba atishia tanü aseni mejembitsüla.
A.Shin. 21:2.Nisunger lenmang shiaji pei nükdangbo shidak lir, saka Kibubai temulungjang odanger.
A.Shin 6:23 Kechiyong ozüngji milen, Aser tesayubaji tesangwa lir,metongshitsü, arütsübaji, taküm lenmang.
A.Shin12: 1 Shibaisa temetongshiba meimer, pai shisatsü meimer, Saka tartsüba semparji tamaji.
Temetongshitsüba maginuba shisataka, takar, missionary. Reverend, Pastor, Tsüngrem mapa inyaker, councillor aika pei dak temulung lemer kodanga tangar(advice) magiba pei tanüla samaba memetetba tenzüker, kümdangshitsü mapangji dang ya lir, aseni kotaki aotsü sayutsüngi, aser asen molumii lai zünga ken tena molumi aotsü no ? Ibai na aser ni asütsü asü?
Tsüngremer tajungshiba o anganürtem aser agizükertem ajak Tsüngremi moajang. Amen.