Sannüker Moatsür

T.Ken 23 nung Yisü Khrista Sannüker Tulu, Pa santem asoshi alir ta sayur. Iba yagi ano asenok nem tenangzükba ana agütsür. Mezüngbuba, Yisüi asenok anogo tepiyong anüker. Dr. Harry Ironside-i ashir, tajung aser taochi santem shiba meyong iba meyong shitak nung yutsüba san azü ana lir. Asenoki kenü nung anogo ka dang alir, kechiaser Tsüngremi alimaji mapang ka nung ken dang alungtsü yanglu. Mapa inyakba mapang ka, aser anisüngzüktsü mapang ka lir. Kodang asenoki mapang ka nung anogo ana mesüra asem alitsü merangdir asenoki tanüji pelaa malitsü. Tejangja iba yagi asenok temang, tejangraba aser tanelaren ajak atsüiter. “Ne anogotem ama ne tashi alitsü” (Tazüng 33:25) asenoki bilemtettsüla.
Pa san ama, asenoki anogo shia temulung lema tenzüktsüla. Yohan 10 nung ashir, Yisu Pa santem jakdang aor. Yisu matendak asenok mezüng aotsü makok. Kechi mapang aser lenmang nungji kechi lir asenoki memetettaka, asenoki kecha metsübutsü kechiaser asenok Sannüker anasa lir. Pa ajok agi tsükchirtem aridoker. Pa mechi agi santem azüoka anir. Pa o ajanga asenoki Sannüker anasa alitsü akok.
Asenok dang nangzükba tanabubaji, Yisüi asenok arishi tepiyong anüktsü. Iba ken ya Khristan taküm tatsü agi ashiba lir. Tekong 1 aser 2 jagi lanuwa mapang indang ashir. Tanurtem sayutsü aser yaritsü tenüngdaktsü. Tsüngremi parnok meimer aser anüker. Tekong 3 jagi tebenjem mapang indang jembir. Parnok azüoktsü aser lemang sayutsü tenüngdaktsü. Yisüi item nemzüa alir lanurtem angur aser anir arur. Tekong 4 aser 5 nung aturar indang jembir. Iba mapang ya tasak mapang lir. Tekong 6 jagi tain indang jembir. Kechiba mapatem ataloker asenoki mangatetter. Saka kenü Tsüngremer tajung aser taochi asenoki angatettsü. Idangji asenoki tejaklen reprangtsü aser Pa ki angutsü.
Tanü na kechi nüngdaker ? O azüngba ajanga Sannüker anasa liang. Pai aniba nung anidaktsü lemtetang.