Santana indang 1971 Classic kensep tasen April 16 nü sayatsü

January 24, 2016: Kentener aser guitar atemer nüngtugu Carlos Santana-i 1971 kensep Santana Iii sequel tembanga inyakogo.
Latino rock superstar Santana den Gregg Rolie, Journey nungi Neal Schon, Michael Carabello aser Michael Shrieve nungeri kensep tasenba atema yaritepogo, iba kensepji April 16, 2016 nü sayatsü.
Vintage Vinyl News den jembidang guitar mongin Carlos Santana-i “Onoki vibration ji kangshia inoktsü memeranger. Ibaji (vibration) tulu ka lir. Iba nungjagi nüburtemi melamela iba ya Santana lir ta metettsü atema onoki kentem aser jemji liromedemtsü nüngdaka liasü,” ta ashi.
Santana IV nungsa The Isley Brothers nungi kentener Ronald Isley-ia ken ana nung shilem agia lir.