Santosh Trophy: Meghalaya final round tongogo

Aizawl, Tsüklai/Feb. 15 (Agencies): Aizawl nung February 15, 2019 Hokolbarnü North East Zone qualifiers football asaya nung Meghalaya team-i Mizoram madak goal 1-0 agi takok anguba sülen Santosh Trophy final round tongogo.
Meghalaya nungi asayar Kynsaibor-i par telok atema goal ka idakja liasü, ta osang ajanga metetdaktsüogo.
Santosh Trophy North East Zone qualifiers atema Meghalaya Football Association (MFA)-i Ri-Bhoi aser Khasi-Jaintia Hills tesem nungi asayar 20 shima liasü. Meghalaya football team nung coach ji Khlain Pyrkhat Syiemlieh lir.
Mezüng Gropu A asaya nung Meghalaya-i Tripura aser Mizoram team naprongla den draw süa liasü. Group B nung team pezü – Manipur, Assam, Arunachal Pradesh aser Nagaland densema lir.
Osangtem ajanga angazükba agi, Hokolbarnü Santosh Trophy indang North East qualifying round league match nung Arunachal Pradesh madak Assam-i takok ngua full points nguogo. Iba league asaya nung Assam-i goal 2-1 agi takok ngua liasü.
Meghalaya team nung Frolicson Dkhar (West Jaintia Hills) aser Kenio Lyngkhoi (East Khasi Hills) na goalkeeper ama shilem agidar.
Meghalaya squad nung defende temji – Brolington Warlarpih (East Khasi Hills), Batskhem Tariang (West Jaintia Hills), Donborlang Nongkynrih (East Khasi Hills), Arnesius Marwein (U-21, East Khasi Hills), Mediphrangki Pohlong (U-21, West Jaintia Hills), Banpynkhrawnam Nongkhlaw (East Khasi Hills), Niawkorlang Kyndiah (West Jaintia Hills), Skhemthik Salahe (U-21, East Jaintia Hills), Samuel Shadap (East Khasi Hills).
Midfielders temji Rimitre Thma (West Jaintia Hills), Roikhihbha Nongtdu (East Jaintia Hills), Chanmitre Thma (West Jaintia Hills) aser Ronald Lyngdoh Nonglait (Ri-Bhoi) nunger densema lir.
Forward nung asayartemji – Ebormi Buam (West Jaintia Hills), Damonlang Pathaw (U-21, East Khasi Hills), Raikutshisha Buam (U-21, East Jaintia Hills), Kynsaibor Lhuid (West Jaintia Hills) aser Donlad Diengdoh (West Khasi Hills) nunger lir.
Meghalaya team nung ketdangsertemji Khlain Pyrkhat Syiemlieh (Head Coach), Dious Lapasam (Assistant Coach), Matheus Khyriem (Manager) aser Sandarson Kharbyngar (Physio) nunger lir.
Santosh Trophy asayamung indang North East Zone qualifiers nung Meghalaya team-i takok tajung ngua final round tongtetba atema Twitter ajanga Shillong Lajong FC-i parnok nem tenüngsang agüja liasü.