Sara Ali Khan-i Industry anokshitsütsü: Kareena Kapoor

Mumbai, July 17 (Agencies): Bollywood actress, Kareena Kapoor Khan-i, Sara Ali Khan-i tang mezüng bollywood film nung shilem agiba ajanga film industry anokshitsütsü, ta ashi.
Sara Ali Khan ya Kareena kinüngbu, Saif Ali Khan mezüng kinüngtsü Amrita Singh den sosemba jala lir, aser lai tang mezüng film director, Abhishek Kapoor indang “Kedarnath” film nung shilem agitsü.
Mumbai nung osangbenertem den jembidang Kareena-i, “La dak sempet tajung lir ta ni bilemer. La azü nung ibaji lir, la tebor kanga tajung. La tebor ajungba aser la dak aliba sempet ajanga lai atangji film industry anokshitsütsü,” ashi.
Iba film nung Sara Ali Khan-i actor, Sushant Singh Rajput den külemi tongti shilem agitsü.
Rujuta Diwekar-i züluba kaket “Pregnancy Notes” sayaba sentong nung Karenaa-i iba osangji metetdakja liasü.
“Bajrangi Bhaijaan” actress, Kareena kinüngbu aianu, Soha Ali Khan tang mezüng mashisa lir, aser iba dak sendakba tasüngdangba ka langzüdang Kareena-i, “Ni la nem iba kaket agütsütsü, koba ajanga la teyari angutsü. La temang anema lir. La no abenba agi kanga azür,” ta ashi.