Sarabjot & Esha nati Gold medal angu

New Delhi, Metsüremi/March 30 (Agencies): Taoyuan, Taipei nung tang tasayadak 12buba Asian Airgun Championships nung Sarabjot Singh aser Esha Singh nati tetsür aser tebur 10m Air Pistol juniors events koka gold medal nguogo. Iba takok bendenloksema India nunger asayartemi tang tashi nung gold medal ti koktetogo.
Maneni Sarabjot-i, Arjun Cheema o Vijayveer Sidhu na den longjemer junior team gold koktetogo.
Asayamung tembangtsü anogo ana anunga lia India nunger asayartemi tang tashi nung gold 8, silver 4 aser bronze 2 kokteta lir.
Tebur asaya qualifier nung Sarabjot-i point 579 nguteta pa temaba jenjang nung final-i ai aser pai final nung point 237.8 kokteta Korea nunger asayar Kim Woojong jakdang temaba jenjang nung tembang, shibai point 236.6 angu.
Kasa asaya nung Vijayveer-i point 217.5 nguteta bronze medal angu aser India nungersa Arjun Cheema jenjang pezübuba nung tembang.
India nunger asayar asem indang qualification point 1718 laisü koba tanabuba jenjang nung aliba Taipei team (1699) dang nungi kanga agi timba liasü.
Kasa mapang nung Esha-i tetsür asaya qualifying round nung point 576 ngutet aser final asaya nung point 240.1 nguteta gold medal angu.
Esha sülen tangbuba jenjang nung Korea tsür Yun Seonjeong liasü, lai point 235.5.1 angu.
India tsür final tongteter rongnung Harshada Nithave aser Devanshi Dhama na densema liasü saka tena ka jenjang pongububa aser ka ti buba nung asaya tembang.