Sarah Jane Dias-i film nung tetsü kiyi aodang asemba tula asem

November 17, 2015: Pan Nalin-i direct asüba “Angry Indian Goddesses” (AIG) film nung shilem agia alila, actress Sarah Jane Dias-i film nung shilem agidang tetsü meyong ‘wedding dress’ asem.

Lai asemba tula temesüngji tetsü meyong lir aser iba tula ya tetsüi la kiyi aodang asemtsü toktsüba lir.

Film yanglurtemi la asemtsü asoshi designer balalai arba ‘wedding dress’ aika sayudanga, lai itemji semdangba sülen tetsü meyong tula asemtsü apitet, ta sangdong ka ajanga ashi.

“Angry Indian Goddesses” ya December 4 nü Vishal Pandya-i direct asüba “Hate Story 3” film den külemi sayatsü sentong lir.