Sarasadem aser temelenshi. Yohan 4:43-54

Iba sayatenya ya sarasadem nung tenzük. Tamarener nisungji Yisu dangi ao “aser Pa dang mepishi.” Iba ama mapa tila, temelenshi tulu tenzüktsü akok! Tennysoni ashir, “Sarasademi asenok aser Tsüngrem tsüngda tzü noktangba süngküm lapoktsür.” Iba yagi tashi mait yinzü tilaji battery den sendaktepdaktsür. Iba yagi Tsüngrem aser nisung külemi sendaktepdaktsür.
Amangba ajanga sarasadem nung yarir. “Nisung jagi Yisuji Pai ashiba O nung agizük.” Asenoki tamang ajanga taneptsü tashi arulen lenmangji yanglur. Tamangi Kibuba lenmangji renemer. Tamangji taochi den semtepa mapa inyaker lir aser tamang melira, taochi-i “sayatenya mapa kecha inyaktsü makok.”
Taneptsüji tamang den tenzüker. “Pai amangba mapang shidak nung par jabaso aneb.” Tanela yimli nung iba ama tetsüktep mapa atalokbaji Tanela yimli nung paitoktsü makok. Kodang asenoki tamang sarasadem yokdir, shiba atema sarasadem iba nisungji Tsüngrem tashi bushir. Mr. Cornby, Methodist missionary China nung alidang, par lima nung kari pa atema sarasademtsüba meteta aliba sangdonga liasü! Taküm lidaktsüba aini pa agi! Hudson Taylor tetsüi jabaso atema taktang tila ka nung shibanger sarasadem, aser mile tir pilaa orr aliba jabaso temulung meyip.
O Tanela Temeshi, Tsüngrem chuba menden kü sarasademi tongtettsüsa kü dang sarasademtsü sayuang. Amen.