Sarasademba Tsüngremi angashir – T. Mapatem 12:12-17

Aser kechi koda Kibubai pa tsüngden chiokdak nungi aniteta anir aru aji pai ashi. T. Mapa 12:17
Tsüngremi kanga dang tesüngmangtsü mapa inyak. Peteri ashibaji reprangdang. Peteri iba aonung pa medemertem sentepa pa tsüngden chiokdak nungi chioka sarasademba memetetti liasü. Parnoki inyaktettsüba mapaji sarasademji dang liasü. Parnok keni teyimla kecha mali asü, anungji parnok ajaki tebilemtsüji Kibuba nem dang agütsü. Telangzübaji Kibubai parnok süngmangdaktsü. Parnok sarasadem langzütsü ta parnoki meyimla. Parnoki tai bilem,; parnoki Tsüngremji kanga ilaa kümdaktsü.
Ajaki asenok sarasadem nung iba tatalokba metettsü tenüngdaktsü. Asenoki ochiba Tsüngrem shibai asenok dang meimer Pa dang sarasademer. Shibai ajak inyaktsü akoker Pa dang aser Pa temoatsü asüngdanger. Asenoki bilemba tashi dang asenoki Pa dangi bener arutsü akok ta asenoki bilemer. Aji saka inyaktettsü asoshi Tsüngremi asenok nem tashi, sempet aser teinyaktettsü agütsü. Tsüngrem chuba menden tsüngdangi orr tamakoktsüji inyaktettsü asüngdangtsü asenok tasü aittsü tenüngdaktsü. Ibaji asen tamang sayutsü tenzükba lir. Idangji asenoki shidakba Tsüngremji  tulu ta metettsü. Iba dak alema kechaia Tsüngrem peladaktsütsü makok.
Talisa asenoki ibai arogo mapa, aser mission mapa koba nung asenok dena iba indang bilemdangtsü nüngdak. Asenoki tamakoktsü ta bilemba inyaktsü Tsüngrem dang sarasademdi, idangji Tsüngrem den ajak takoktsü ta asenoki tajungba angatettsü.
Ajak takoksang Tsüngrem, mapa tulu inyaktsü Na kanga tila ta onoki bilemba tai tokang. Ne tanela ajanga Ne dang tasü itta aser temulung toka ajatsü onok dang yariang. Yisu tenüng nung. Amen.