Sardar Patel tenüng nung civilian award ka agütsütsü

New Delhi, September 25 (Agencies): Centre sorkari Sardar Vallabhbhai Patel tenüng nung civilian award tasen ka agütsütsü telemtetba agiogo.
India longjemba aser ka akümtsü atema inyakertem nem iba sempet agütsütsü.
Nüngdak dang süra, tasür nem-a iba sempet agütsütsü akok ta Bodbarnü Ministry of Home Affairs (MHA)-i sangdong ka nung metetdaktsü.
India President-i Rashtrapati Bhawan nung Padma awards agütsüba sentong den külemi ‘Sardar Patel National Unity Award’ agütsütsü, ta MHA-isa ashi.
Iba sempet den senotsü kecha magütsütsü aser küm nung sempet asem dak tema magütsütsü. Sempet angutsüpur indang tenüngtemji Sardar Patel asoba anogo October 31- National Unity Day nü sangdongtsü, ta MHA-isa metetdaktsü.