Sarjubala Asian Boxing Championship semi tongogo

Wulanchabu, August 11 (Agencies): World Championships silver medallist, Sarjubala Shamjetsabam-i Kazakhstan tsür Alina Turlubayeva quarterfinal asaya nung tsükdaktsüba sülen tang China kübok Wulanchabu nung tasayadak Asian Women’s Boxing Championships semifinal asayatsü jenjang yashi Hombar nü nguogo.
Sarjubala-i points 2-0 agi Alina madak takok anguba sülen China tsür E Naiyan den tetsür temang touzük seret 48 shilem indang semifinal nung ajuruteptsü lemzükogo.
Sarjubala sülen anidaka, Meena Kumari Devi (Seret 54), Pwilao Basumatary (Seret 57), Pooja Rani (Seret 75), Saweety (Seret 81) aser Seema Poonia (Seret 81 ser tema) nungeria pei shilem nung semifinal asayatsü jenjang ngua lir.
Meena-i China tsür Liu Piaopiao madak takok angu aser Basumatary-i Kazakhstan tsür Zhanna Baskayeva tsükdaktsü.
Tsüngteper 8 tashi semifinal nung shilem agitsü jenjang anguba telok, China sülenbo tsüngteper 6 tashi semifinal nung shilem agitsü jenjang angur, India temaba jenjang abener tarensen nung tanabuba jenjang ngua lir.
Aji oda, India tsür 6 pronglai tamakok ajuruaka, parnoki semifinal nung shilem agitsü jenjang anguba yong parnoki India asoshi medal 6 tashi agizüktsü jenjang tajung bener arutsüogo.