Sarkar 3 nung Amitabh Bachchan-i Ganesh Aarti ken aten

Mumbai, November 9 (Agencies) : Film yanglur Ram Gopal Varma-i direct asüba Sarkar 3 film asoshi Amitabh Bachchan-i Ganesh aarti ken ka tenogo.
Arishi küm 74 tain Amitabh-i iba ken atenba noksa ana sayu. “Sarkar 3 atema sarasademer aser Ganesh atema aarti ken tenogo” ta pai Twitter nung ashi.
“Aarti ji ni aten. Iba ya ni Siddhivinak Temple nung atenba to masü balaka lir” ta paisa shisem.
Sarkar ya 2005 küm saya aser iba film ya India nung yimtenren mapa nung ajemdaker yanglu. Iba sülen atongtepa yangluba film- Sarkar Raj ji 2008 küm sayaa liasü.
Sarkar 3 nung Amitabh-i Subhash Nagre indang shilem maneni agir. Film nung Rohini Hattangadi, Jackie Shroff, Manoj Bajpayee, Ronit Roy, Bharat Dabholkar aser Yami Gautam nungertemi ashir.