Sarma-i Congress toktsüba ajanga party akoksatsü: Hagrama

Kokrajhar (Assam), August 26 (Agencies): Tanü Bodoland Territorial Council (BTC) aser Bodoland People’s Front (BPF) Tir, Hagrama Mohilary-i, Himanta Biswa Sarma-i Congress toktsür BJP nung adenba ajanga 2016 state assembly election nung state Congress-i takoksa ajurutsü, ta ashi.

Mohilary-i ashiba agi, Sarma BJP nung adenba ya election agitsü aliba state nung Congress Party asoshi tebilemtsü ka asütsü, kechiyong Sarma ya nüburtem atsüer arutetba Congress lenir ka liasü.

Tang tensa ya ajanga pai tajangzük angutsü asü, ta asüngdangba langzüdang Mohilary-i, “Election nung onoki Congress, BJP mesüra AIUDF odi-odia meyaritettsü. Onok tangatetbaji tejangja. BTC yaritsüpur party tem onoki longjemer yaritsü,” ta ashi.