SARS, Yisemyong nung Mokokchung DPDB senden amen

March 7, 2016 nü SARS Yisemyong nung  Mokokchung DPDB sebdeb cum picnic nung DC Sushil Kumar Patel aser DPDB züngsemtem asaya ka nung shilem agiba angur.

Dimapur, March 7 (TYO) : March 7, 2016 nü State Agricultural Research Station (SARS), Yisemyong nung Mokokchung District Planning & Development Board meeting cum Picnic agi.
Iba sentong nung district kübok tesem balala nungi züngsemtem den district Headquarter nung mapa lemzüka aliba central government ketdangsertem aika aden.
Deputy Commissioner & DPDB Vice Chairman, Sushil Kumar Patel-i senden len ania amendang züngsemtem pela agizük aser Yisemyong nung tsünüsenbongtsü dak sendakba maparen inyakba tenük kuli ngudaktsütsü atema SARS nung DPDB senden ayongzüka amener ta metetdaktsü.
Sushil Kumar-isa tawa Mokokchung nung mapa inyaktsü lemzükba ketdangser kar tejak shiyutepba mapang agi aser ketdangsertem rongnung Commanding Officer 44 Assam Rifles Col. B.N Nayak dena liasü.
44 AR Commanding Officer-i o tatsüka jembidang, DPDB züngsemtemi amalitep alitsü ayongzük aser district nung aliba nübortem takokba lenmang ajak agi yaritsü ta nangzük.
Senden nung Project Officer, SARS, Yisemyong, Dr. D.K Chetri-i centre-i inyaba osang metetdaktsüdang ashiba agi, Nagaland nung jang tapu 857 tashi asadangba nungi tapu ana SARs-1 aser SARS-6 Protection of Plant Variety and Farmers Right Authority, New Delhi kübok züngsemtsü atema mapa teinyakdak lir.
Nagaland nung jang tapu balala wazüka ayutsü atema state SARS-i Gene Bank ka lapoktsü sentong lir, Dr. D.K Chetri-isa shisem.
Senden nung District AIDS Prevention Control Unit Mokokchung-i HIV dak sendakba osang metetdaktsü.
GPS Mekhuli ajungkettsüba, Northeast Alliance for leadership Education & Social Transformation (NEALEAST) Registration aser Paper Nagar Post Office nungi Tsudikong Town Post Office ta melentsüba onüktem benoka olemtep aser itemji bangdak department tem dangi abentsü lemtet.
DPDB senden tembangba sülen Officers Club Mokokchung tanaben tentetshitsü atema tebilembatem lemsatep.
Mokokchung DPDB sendenji Yisemyong Recreation Park nung ayongzüka amen aser ketdangsertem rongnung Astt. General Manager, RBO, Mokokchung, G.Sekar, General Manager, Lead Bank K.Bharali aser SBI Main Branch chief Manager, S.C Das nungertem aden.