Satwik-Chirag aser Sindhu tanabuba round-i iogo

Chiteni/July 24, 2019 (Agencies): Tang tasayadak Japan Open mezüngbuba round nung Satwiksairaj Rankireddy aser Chirag Shetty, PV Sindhu aser HS Prannoy nungeri pei tata asaya kokogo. Ajisüaka Sameer Verma, tarep temeyoktep asayar Pranaav Jerry Chopra o N Sikki Reddy na, Kidambi Srikanth aser tetsür tarep asayar Ashwini Ponnappa o Sikki na tsükogo.
Tebur tarep asaya nung Satwik aser Chirag nati 2016 Olympics bronze-medallist Marcus-Ellis aser Chris Langridge na koka liasü.
Satwik-Chirag nati asaya 21-16, 21-17 agi Ellis-Langridge na koka tanabuba round-i iogo. Tenati tang agi tanebenbuba England nunger asaya ana ya koktetogo.
Satwik aser Chirag na tatemsa Ellis o Langridge na den taoba küm BWF World Championships nung asayaa liasü kong tenati 21-19, 12-21, 21-19 agi koka liasü.
Tena taruba asaya Choi Solgyu o Seo Seung Jae (Korea) mesera China nunger tarep Huang Kia Xiang o Liu Cheng na den asayatsü.
Kasa mapang nung tetsür kija asaya nung PV Sindhu-i China tsür Han Yue minute 37 nung 21-9, 21-17 agi koka liasü.
Sindhu aser Yuen a tang tashi nung anaben asayaa lira ser asaya anaprongla Sindhu-i kokogo.
Sindhu taruba asaya Japan tsür Aya Ohori den asayatsü shibai Scotland tsür Kirsty Gilmour 21-18, 21-19 agi koka liasü. Sindhu aser Ohori na Indonesia Open mezüngbuba round nung asayaogo koba Sindhu-i koka liasü.
Kasa asayamung tetsür tarep asaya nung Ashwini aser Sikki na 16-21, 14-21 agi Korea tsür Kim So Yeong aser Kong Hee Yong nati tsükdakja liasü.
Ashwini aser Sikki na China Open 2018 nunga Yeong aser Kong nati straight set nung koka liasü.
Maneni Bodhbarnüsa tebur kija asaya nung Kidambi Srikanth külem India nunger asayar HS Prannoy-i 21-13, 11-21, 20-22 agi kokogo aser Sameer Verma Indonesia Open finalist Anders Antonsen-i 17-21, 12-21 agi koka liasü.
Tarep temeyoktep asaya nung Pranaav aser Sikki nata mezüngbuba round nung China tsür world No.1 tarep Zheng Siwei aser Huang Ya Qiaong nati 11-21, 14-21 agi kokogo.