Saudi dang taidok meshitsü mulunga mali: Rouhani

Rome, January 27 (Agencies): Saudi Arabia dang taidok meshitsü mulunga maliba olen ka Iran Tir, Hassan Rouhani-i tanü Bodbar nü metetdaktsüogo.

“Saudi linük den tanaben sentaktepshitsü jangrar saka Tehran nung tentetba Saudi embassy ki amakba ken o nung par linük dang taidok meshitsübo mulunga mali,” ta tang Italy semdanga alisang, Rouhani-i metetdaktsü.

“Ozü Iran sorkari Saudi embassy ki amakba maparen aitsüba den külemi, amakertemji pua parnok nem tapet temerenshi agütsüogo. Anungji, ozü linüki Saudi sorkar dang taidok meshitsü nungdak madoker,” ta pai nenshia ashi.

Saudi sorkari tongti Shiite kin putir ka tan January ita tetenzüklen tepseta merenshiba sülen putirsang tepsetba atema jashia Tehran nung longkak aiter telok kati Saudi embassy ki amakba osang jangjaogo.

Yamaji atalokba sülen Saudi aser Iran linük na tsüngda tesendaktep kanga mejungi kümogo.