Saudi nung tetsür nema sorkar mapa inyakdaktsütsü

Riyadh, May 4 (Agencies) : Saudi Arabia Chuba Salman bin Abdulaziz Al Saud-i Brihostibarnü sorkar ketdangsertem dang tetsürtema tsüraburtem dang nungi temelaba memeshii sorkar mapa atema tenüng agütsüdakjang, ta ashiba osangbenertemi ashi.
Saudi Arabia nung tetsürtem sorkar mapa bushiba mapang lar tsürabutem nungi temelaba shidi ka nüngdaka liasü.
Islam tamangba yimsü den apet mapet asadangtsü asoshi ita asem tsüngda nung tetsürtemi inyaktettsü mapatem terensena züludentsü metetdaktsüogo, ta Sabq osang ajanga metetdaktsü.
Iba sangdong nungji tetsür mapa inyakertem nem parnok oli aruli jajatsü asoshi nüngdakba gari peria agütsütsü shia lir.
Saudi Arabia tsürtem nem gari manishidaktsür aser ibaji ajanga parnok aika mapa angutsü timtem alur mesüra parnoki mulungba ama alitsü makoker.