Savings Account nungi hopta nung sen 50,000 agizüktsü akok

New Delhi, February 20 (Agencies) : Reserve Bank of India(RBI)-i February 8 nü sangdong ka nung Saving Bank accounts (PMJDY kübok lapokba account tem dena) nungi sen agizüktsü tenokdangba agüja alibatem agientsü ta metetdakja lir.
February 20, 2017 nungi Savings Bank account nungi hopta nung sen 50,000 (tang 24,000 aliba) agizüktettsü aser March 13, 2017 nungibo Savings Bank accounts nungi sen agizüktsü tenokdangba malitsü ta RBI-i shiogo.
November 9, 2016 nungi Specified Bank Notes (SBNs) agienba mapang nungi RBI-i Savings / Current / Cash credit /Overdraft accounts aser ATM withdrawals nung sen telatetba ka dang agizüktsü atema tetuyuba agüja liasü.
January 31, 2017 aser February 01, 2017 anogotem nungi RBI-i Current / Cash credit / Overdraft accounts aser ATMs nungi sen agizüktsü tenokdangbatem agiena liasü, ajisüaka Savings Bank accounts nungbo tenokdangba liasü.