Saweety Asian C’ship final tongogo

New Delhi, August 13 (Agencies): World Championship nung silver medal agizüka alila, temang touzü seret 81 taret shilem nung tsüngteper, Saweety Boora-i tang China kübok Wulanchabu nung tasayadak Asian Women’s Boxing Championships final asayatsü jenjang tanü Brehsotibar nü nguogo.
Saweety-i Uzbekistan tsür Dilnovaz Narkhodzhayeva madak points 3-0 agi takok anguba sülen Kazakhstan tsür Moldir Bazarbayeva madak points 2-1 agi takok angula, China tsür Yang Xiaoli den final nung tsüngteptsü.
Semi-final asaya nung India tsür Meena Kumari-i Philippine tsür Nesty Petecio makok; World Championships nung silver angula, Sarjubala Shamjetsabam-ia China tsür E Naiyan nem kokdaktsü; Pwilao Basumatary-i Thailand tsür Tassamelee Thongjan makok aser Seema Punia-i China tsür Wang Shijin makokba yong Saweety Boora dak alaka tanüngba India nungi tetsür tsüngteper katia final jenjang monguteti tamakok ajuruogo.