SAYO-i Dzükou valley Plastic Free kümdaktsütsü

Dimapur, Monupii/May 21 (TYO): Küm tem tsüngda Dzükou valley aser temeket nung plastic oset mashi mashi indokba ajanga alima janatsüba dang masü saka tzümopung asoshi kanga lendong kümogo. Dzükou valley kümzüka aser wazüka ayutsü atema Southern Angami Youth Organisation-i May 21 nungi 23 tashi anogo asem nübutoka iba tesem merektettsü asoshi ayongzükogo.
SAYO-i iba amala sentong tajung asatetba atema parnok tenüng sanga SDO(C) Jakhama, Alemyapang Longchar-i, sorkari plastic amshitsüba nokdangogo saka nüburtemia iba ya benoka inyaktsü, ta ashiba den plastic amshiba nokdangtsü atema nisungshiai pei shilem agitsüla ta ashi.
SAYO tir Zakieleto Tsükrü-i ashiba agi, ‘Plastic Free Dzükou’ benoktsü atema Southern Dzükou len entry point ana nung tenokdangba agütsütsü. SAYO-i Dzükou valley June 5 nü World Environment Day amungba mapang Plastic Free Zone ta sangdongtsü sentong lir. SAYO ketdangpurtemi anir volunteer 150 Dzükou valley nung tua munga plastics aser shizüka maoba janatem merektettsü, ta ketdangser sagdong ka ajanga metetdaktsü.