SBI Chedema branch shibangtsüogo

Dimapur, Luchii/December 10 (TYO): COVID-19 tashidak keta alir potetba sülen State Bank of India, Chedema branch, December 10 nü nungi December 12 nü tashi ghonda 48 shibang ayutsü atema tuyuba, Additional Deputy Commissioner Kohima Lithrongla Tongpi Rutsa-i metetdaktsüogo. Mapa inyakba tesem nung tashidak menatepa aoba nokdangtsü atema Ministry of Health & Family Welfare-i tetuyuba agütsür aliba dak ajemdaker iba tesem shibangtsüogo.
Anungji iba branch ya December 12 nü tashi shibanga ayutsü aser iba mapang merekmeju maparen balala aser contact tracing inyakyim benoka inyaktsü.
Iba tesem nung nüburtem senzüsenpongtsü memelatsü aser iba dak sendaka alir ajak dang iba tesem anasa inyaksangshi dang mapa ajak nung mask asemtsü, teka mapang shia metsüka alitsü aser inyaksangshi ajak tetsüngda ita inyaksangshitsü metetdaktsüogo.