SBI Dimapur nung sen lakh 14 auya

Dimapur, April 10 (TYO): Hombar nikongdang 2:00 ako meta Dimapur nung State Bank of India (SBI) Main branch nung mejangjatetba nisung kati sen lakh 14 auya bener ao.
Iba dak sendakba nung AGM, SBI-i police tsüngdang ken o ka benok ta police ketdangser kati ashi.
Senji ‘transaction hour’ mapang cash counter nungi auya bener ao. Police-i iba ken o atema bushisüngdang tenzükogo.
Bank nung security guards mesüra bank ketdangsertemi timi meinyakba ajanga senji auya bener ao asü ta asüba kuli police-i CCTV footage teyari agia bushisüngdang südar.
Iba dak sendakba nung bank ketdangsertem dang nungi osang metetpelatsü merang saka parnok den tongtepratep mesütet.