SBI-i Mary Kom academy yarir

Guwahati, January 24 (Agencies): State Bank of India (SBI)-i Imphal nung MC Mary Kom Regional Boxing Foundation atema hostel ka yanglutsü asoshi nüngtugu tsüngteper Mary Kom nem sen crore 2 teyari agütsüogo.
SBI Chairman Arundhati Bhattacharya-i northeast tesem semdangba mapang Corporate Social Responsibility kübok SBI-isa, Assam, Tripura aser Meghalaya nung Institute tem nem schoolbus aser tanga nüngdakba osettem tenla agütsüogo.
SBI-i Ramakrishna Mission Ashram (Kailashahar, Tripura) nem school bus densema  tanga nüngdakba garitema agütsüogo.
Lai Assam semdangba mapang IIT- Guwahati nung shisalemsatepba senden ka nung aden aser Amingaon nung aliba lajar yaritak ki, Sishugram nem-a sen lakh 10 tenla agütsü.