SBI Mkg-i mobile ATM services tenzüktsür

Dimapur, November 25 (TYO) : November 25, 2016 nungi State Bank of India Regional Business Office Mokokchung aser State Bank of India (SBI) Main Branch Mokokchung na külemi senteper mobile ATM services tenzükogo.
Mobile ATM services ajanga Card ka ajanga anogo nung sen 2000 agizüktsü akok aser bank ketdangsertemi iba service ya Assam Rifle Camp, Civil Hospital aser Main Police Point nung tenzüktsüogo.
Maneni taruba Hombar (November 28) nungi Mokokchung jila kübok tongtipang tesemtem nung iba service tenzüktsü aser ibaji ajanga ATM Card holder tem teyari tulu angutsü, ta Chief Manager (Lead Bank) Kula Nath Bharali-i metetdaktsü.
State Bank of India-isa jila temeket nung aliba yimtsüngtem nunga iba facility agütsütsü atema tebilemba lir, ta Kula Nath-isa shisem.