SBM ambassador temi ‘motor sports’ ajanga osang belenshitsü

Kohima, October 14 (TYO) : Nagaland nung Swachh Bharat Mission (SBM) tali meteta lidaktsütsü nükjidong nung SBM Brand Ambassador temi motor sports tetoktepba balala nung shilem agitsü.
SBM Brand Ambassador asem, Tuensang district atema T. Khongo, Mokokchung district atema S. Supongmeren Jamir aser Phek district atema Vizpoal Chaya nungertemi SBM Nagaland Brand Ambassadors Secretary Alem Jamir 6th Horsepower Challenge nung shilem agitsü osang metetdaktsü.
Asüng nungi Meriema 6th Horsepower Challenge tenzüktsü aser Alem den pa navigator Akum Jamir nati taruba ita Mokokchung Motor Rally aser ano December nung Hornbill Motor Rally nung shilem agitsü.
Iba mapang Brand Ambassadors Team-i merükmeju aser metsümeshitsü indang osangtem züluba stickers sayutsü, ta Supongmeren-i ashi.