SBS ‘Young & Christian’ concert November 6 nü akatsü

Kohima, November 5 (TYO): Lanur kati pei sasa taküm jangratema aser tubor junga yanglutettsü indang osang tajung sangokja, Shalom Bible Seminary’s (SBS) küm tatem ‘Young & Christian’ sentong November 6 nü akatsü. Iba kenten sentong (concert) ya Kohima nungi kilometre 15 pilar aliba SBS amphitheatre, Sechü Zubza nung nikongdang 5:00 ako nungi tenzüktsü aser tongti shilem agirtemji Tali Angh, Cadence, No Parking aser Shalom nung azüngertem alitsü.
Ken angabaji dang masü saka sentong nung adener temi Asia lima nung Thailand, Japan, Nepal, Bangladesh, Myanmar aser Bhutan linük tem indang chiyutsütem den Nagaland nungia Sumi pork, Anishi pork aser sorak lon (spider chutney) chidangtsü maongka angutsü.