SC-i inyakyim tasen ka agizük

New Delhi, Tsüklai (February) 01 (Agencies): Yangtepnü Supreme Court-i judges nem ken otem lemsaa agutsütsü atema inyakyim tasen ka benoka agizükogo, ajisüaka public interest litigation (PIL) ken otem lemsatsü atemabo Chief Justice of India (CJI) Dipak Misra nem tashi bendanga agutsür.
Tanü CJI-i kaket tapak 13 nung zülua aliba sangdongba nungji, Chief Justice of India ket atongba ken o tasentemjibo Tsüklai February 5 nungi inyakyim tasenba ajanga inyaktsü, ta shia lir.
Tawa (Aenjeti 12, 2018) Supreme Court nung senior judges pezü- justices J Chelameswar, Ranjan Gogoi, M B Lokur aser Kurian Joseph nungeri osangbenertem senden ka ayongzüka, CJI-i PILs aser kanga tongtibang ken otem, teshimtet judge kar nem dang lemzüktsür, ta aija liasü.
Tang nungi item ken otemji CJI, Dipak Misra, justices- Chelameswar, Ranjan Gogoi, Lokur, Kurian Joseph, A K Sikri, S A Bobde, R K Agrawal, N V Ramana, Arun Mishra, A K Goel aser R F Nariman nungeri aniba bench tem nem lemzüktsütsü. Judge 12 ji seniority tarensen nung lir.