SC-i Jallikattu melatsü memelunger

New Delhi, January 13 (Agencies): Brihostibar nü nungi tenzüka Pongal benjung mapang Tamil Nadu nung jang azüokba saisapong ‘Jallikattu’ tenzüktsü lia Bodhbar nü Supreme Court-i parnoki Jallikattu nokdanga aliba agientsü memelung.

Justice Dipak Misra aser Justice N.V. Ramana nati akumba Supreme Court bench-i, tamalen Centre sorkari Jallikattu aser jang asemtepba asaya melaa aliba nokdanga liasü aser ibaji agientsü memelung.

Temepishiba benoker Ramakrishna-i benokba magizüki obendangertemi, shiruru anema benshiba tangatetba nung ajemdaker Mongolbar nü Supreme Court-i Jallikattu saisapong memelaba nungi onoki matsüngshir, ta ashi.

Jallikattu ya akhi mapang nungi saisapong ka lir, aser iba saisapong ya Tamil Nadu yimtsüngtem nung Pongal benjung mapang akar.