SC-i Mallya dang April 21 tashi nung pa rongsen ajak sangdongtsü tuyuogo

New Delhi, April 07 (Agencies): Shishilembar tetsüti, Vijay Mallya-i bank balala nem sentsüh crore 9,000 magütsütetba ken o dak sentakba nung tanü Supreme Court (SC)-i pa dang April 21 nü tashi nung India aser bendanglen pa aser par kibong indang rongsen aser kiojen sangdongtsü tuyuogo.

SC-isa pa dang, pai kodang parnok matsüngdangi arutettsü, ta asüngdangogo.

Bank 17 dang sentsüh 9000 dak tema alisang, Mallya dang SC-i, iba atema pai süoki ia agir, ta kuli sayutsü atema sen aika deposit süjang, ta shiogo.

Mallya aser par company temi September ita tashi nung sen crore 4,000 agütsüdi ta benoka liasü, ajisüaka State Bank of India densema bank temi ibaji magizükba sülen Justices- Kurian Joseph aser R F Nariman nati akümba SC bench-i iba tetuyuba agütsür.

Mallya-i sentsüh aotsü atema süoki ia agir, ta asütsü atema pa linük nung alitsü nüngdak, ta bank temi benokba nung bench-ia ai-aura kaogo.

Iba ken o minute 20 shi angadangba sülen maneni April 26 nü angadangtsü lemteta ayu.