SC-i PBL asayamong nokdangba ozüng agiener

New Delhi, December 16 (Agencies): India nung Premier Badminton League (PBL) badminton asayamong tetsükdakba kecha majurui asayatettsüsa Supreme Court-i asayamong masaydaktsüi nokdangba ozüng mapang tatsüka atema agientsüogo.
“PBL masayadaktsüi nokdangba ozüng mapang tatsüka atema agientsür,” ta Justice M Y Eqbal aser Justice C Nagappan na densemba okadak mendeni tanü metetdaktsü.
Taoba mapang Indian Badminton League (IBL) nüngja amshiba PBL asayamong nung shilem agir telok, Shillong nung tentetba Sobhagaya Media Private Limited (SMP Ltd.)-i par telok mejaoki asayamong ayonga asayaba ken o okadak benokba sülen Meghalaya High Court (MHC)-i PBL asayamong masayatsü tenokdangba ozüng agütsü.
Ajisüaka, Badminton Association of India (BAI)-i iba tenokdangbaren agientsü onük benokba sülen SC-i MHC-i benokba tenokdangbarenji mapang tatsüka asoshi tan agientsür lir.
Sangküm January ita 2-17 nü tashi asayatsü ayongba PBL asayamong nung Saina Nehwal, P V Sindhu, Kidambi Srikanth aser Parupalli Kashyap nunger national asayar mongintem aser international asayartem densema, telok 6-i shilem agitsü renema lir.