SC-i state nung parliamentary secretary shimba aitsü

New Delhi, July 26 : Tanü Bodbar nü Supreme court nung obendangertemi Assam nung Parliamentary secretary shimbaji tai lir, kechiyong state nem linük temzüngi iba tashiji agüja mali ta obendang ka agütsüogo.
Assam nung lateta akaba “Assam Parliamentary Secretaries (Appointment, Salaries, Allowances and Miscellaneous Provisions) Act 2004,” ya linük temzüng anema lir, kechiyong linük temzüngi state nung tatar yimsüsürtem nem iba tashiji agüja mali ta Supreme Court nung obendanger Justice J.Chelameswar, Justice R.K.Agarwal aser Justice A.M.Sapre nungertemi metetdaktsü.
Iba obendang yagi Assam dang masü state-tem koba nungsa Parliamentary Secretaries shima ali, item ajak nungji kongshitsü.