SC Jamir-i Dr. Shurhozelie nem tenüngsang agütsü

Dimapur, February 22 (TYO): Taoba mapang Nagaland Chief Minister aser Odisha Angh teinyakdak, SC Jamir-i sangdong ka ajanga state Chief Minister tasenba, Dr. Shurhozelie Liezietsu nem tenüngsang agütsü.
SC Jamir-i Nagaland Chief Minister tasenba, Shurhozelie dang, “Nai office mapa agizükba ya state putiotsü nung tongtibang ka asütsü, aser state anitsü atema Naga nüburtemi nü dak teimla tasen ayur,” ta metetdaktsü.
“Minister aser MLA mapang talangka inyakdang nai aika ajangshir asünungji nai aika rajema lir. Nü den nai aniba sorkar tasenbai nüburtem longjemtsü atema nendaka inyaktsü, tajung aika inyaktsü aser Nagland rongsenkettsüng aser terenlok atema inyaktsü ta ni tamang akar. State nung amalitepa yimjung ajungkettsütsü ni imlaa atar,” ta SC Jamir-i kasa sangdong ajanga metetdaktsü.