SCERT Department-i ‘backdoor’ ajanga nisung 36 aniok

Dimapur, August 5 (TYO) : 2010 nungi 2015 tsüngda State Council of Educational Research & Training (SCERT) department kübok NPSC ajanga shimtsüba mapatem nung nisung shimokba indang RTI telangzüba nübortem dang metetdaktsür, ta ACAUT Nagaland sangdong ka nung shiogo.
2013 küm NPSC-i Lecturer (Class I Gazetted post) 14 aser Training-cum-Research Assistant (TRA) (Class II Gazetted post) 1 atema tatidang agi. Ajisüaka, 2010 nungi 2015 tsüngda SCERT-i ‘Direct Recruitment’ ajanga nisung 36 aniok. Itemji Research Assistants (Class I Gazetted) 3, Training-cum- Research Assistants (Class II Gazetted) 6, Lecturers (Class I Gazetted) 19, aser W.E Teachers/Technicians/Statistician (Class II Gazetted) 8 liasü, ta Media Cell sangdong nung metetdaktsü.
2010 nungi 2015 tsüngda SCERT nung NPSC ajanga mapa 14 nung nisung shimok aser tanüngba 36 ji ‘backdoor’ ajanga shim.
SCERT Department-i aiben mepishiaka NPSC-i item mapa asoshi nisung meshimok ta kuli agütsür saka RTI document nungbo otsü balaka ashir.
NPSC-i tatidang agitsü asoshi mapang tatakzük melii atatsüsa akümba agi parnoki nisung shim ta SCERT-i ahir saka kulikakettem ajanga ibaji mesayur, kechiyong, NPSC-i 2013 nung Lecturer 14 aser Training-cum- Research Assistant (TRA) 1 atema tatidang agi.
SCERT-i mapa tazüng aliba atema shidi züluba asem ACAUT dang sayuba nung May 19, 2014 nü Secretary, NPSC dangi Lecturer 5 aser TRA 1 shimtsü asoshi tatidang agitsü indang dang lir. Ajisüaka, iba shidi magütsüdang ita asem shi jelia March 1, 2014 nü Department-i Research Assistants mapa 3 nung nisung 3, Lecturers 19 nungi 12, Training-Cum-Research Assistants mapa 6 nungi 5 aser W.E Teachers/Technicians/ & Statisticians mapa 8 nung nisung 8 shimoker liasü.
Ano iba sülen May 28, 2014 aser December 16, 2014 tsüngda SCERT-i lecturer 7 aser TRA 1 shimok. Item rongnung lecturer 1 aser TRA 1 NPSC dangi shidi yokba sülen anogo 10 shi lir May 28, 2014 nü shim. Tesayur aser lecturer tem nem training agütsüba department kati iba ama tim mesüi inyakba ya kodanga mangashidang, ta ACAUT sangdong nung shia lir.
Ano, RTI document ajangasa SCERT-i W.E Teachers/Technicians/ aser Statisticians amala Class II Gazetted mapa NPSC nem agütsüba shia mali.
SCERT department-i tai tongloktsüba atema NPSC-i telangzüba ka agütsütsüla. Ajisüaka, mapa tazüng atema inyakba maparen mesüra kati ka aija kuli agütsütepaka, advertisement, tim selection process aser NPSC ajanga open competitive examination magii Ad-hoc/contract appointment ajakji ‘backdoor appointment’ kübok aittsü aser itemji anentsütsüla, ta Media Cell, ACAUT Nagaland-i metetdaktsüogo.
SCERT Department-i tim mesüi shimokba mapatem: