Schemes inyaktsü atema Union Budget jelia benoker: PM Modi

New Delhi, October 26 (Agencies): Bodhbar Ato kilonser, Narendra Modi-i, scheme balala inyaktsü atema Union Budget ita kati tekaraba benoker, ta metetdaktsü.
Ita shia aliba state nung tongti ketdangsertem den ICT ajanga PRAGATI (Pro-Active Governance and Timely Implementation) senden nung Modi-i iba osang metetdaktsü.
PMO sangdong ka ajanga, “Projects aser schemes tekaraba nung tenzüka inyaktsü asoshi Union Budget ita kati tekaraba benoker ta Ato kilonseri metetdaktsüogo,” ta ashi.
Teti agia Parliament nung Union Budget ya February ita tembangba anogo nung benoka arur, ajisüaka tanbo ita kati jelia benoktsü.
Budget kara benokba ajanga project aser schemes inyakba March 31 nü tembangtsü aser sen teindokba den tax proposals tasen tenzüktsü.