School curriculum nung kaketshir indang social wellbeing inoktsü ayongzük

Kohima nung March 15, 2024 nü ‘Social emotional well-being of students in Nagaland’ indang workshop agidang tangokba noksa ka yangi angur.

Kohima, Metsüremi/March 15 (TYO): Nagaland nung aliba kaketshirtem den social emotional well-being indang study ka agiba sülen Bangalore nung aliba ‘Dream a Dream’ team-i curriculum nung kaketshir indang social well-being tali ajungkettsü nüngdaker ta ashi.

‘Dream a Dream” ya tajangzük mebushiba lokti tentet ka lir aser India nung tanurtem atema shisaliok melenshitsütsü atema inyaker.

Nagaland nung government school tem nung azüngba kaketshir indang social aser emotional well-being metettsü aser item dak kongshiba contextual factors aser kaketshir indang ‘social and emotional skills’ atema tesayur aser tsürabortem tangatetba metettsü mechi iba study ya agia liasü.

Iba sample study ya 2022 küm Mon, Zunheboto, Mokokchung aser Kohima district tem nung agia liasü.

Directorate of School Education, Kohima nung Hokulbarnü state level “Workshop on social emotional well-being of students in Nagaland” (Findings of Need Assessment Study) alidang ‘Dream a Dream’ nungi Dr. Sreehari Ravindranath aser Dr. Joseph Thomas nati parnoki bushitetba aser recommendations ya agüja liasü.

Emotional well-being, personal well-being aser resilience amala nung kaketshir temi score tajemba angu, anungji tebilemtsü ka adokba sayur, ta iba study yagi bushiteta liasü.

Social and Emotional Well-being indang sub-skills nung autonomy, khuret abenba, emotional regulation amala nung score tamajungba liasü.

Self-awareness, social awareness aser emotional management amala tebilemtsü asoshi khuret abentsü nüngdaker, ta tesayurtemi ashi.

Kaketshirtem ain adokba tatalokbatem ajangshiba indang kaketshir temi ashi.

Kaketshir timba dak pei meimba tashi ajema aliba sayur ta kaketshir timbai bilemer.

Kaketshir temi külem kaketshir aser tesayurtem den classroom telung aser tezülen tesendaktep tajungba yanglutsü nüngdaker ta tesayur shilem 53.3 ajanga bilemba ashi.

Kaketshir temi mangatetba lemsateptsü mesüra classroom nung ola adoka jembitsü nungnangba indang tesayur aser kaketshir temi ashi, anungji tesayur temi tanur yimya asadangtsü tasakba akumer.

Kaketshirtem takum nung shisa agütsür maliba aser azüngtsü asoshi ajungmesor aser teyarir nüngdakba ajitet, ta parnoki ashi.

Curriculum ajanga kaketshir indang social aser emotional well-being tali tejangjaba nung angatetdaktsütsü asoshi tesayur nem capacity building agütsütsü nüngdaker, ta parnoki ashi.

Parnokisa kaketshirtem asoshi ‘safe learning space’ agütsütsü, tesayurtem sayuba yimya tajungba kumdaktsütsü, life skills sessions ajanga temesepba chiyongtsü achi-ajemba tebilemtsü lemsateptsü, kaketshir dak rangloker tesayur asoshi maneni professional development mapa inyaktsü parnokisa ashi.