School Education Department-i jangjashitsür

Dimapur, May 11 (TYO): Nagaland nung school ketdangser kar Tele/Radio Tutoring Programme atema ratatepba atema School Education Department Principal Director, Shanavas C, IAS-i iba dak sendakba osang kar jangjatsüogo.
April 29, 2020 nü DEOs, Sr. SDEOs and SDEOs dang District Administration den yariteptsü aser kidang DD satellite telecast maliba kaketshirtem asoshi lenmang kar bushitsü tetuyuba agütsü. Parnok dang Village Hall, School Auditorium amala nung kaketshirtem nem angadaktsütsü/reprangdaktsütsü atema ashi, ta Shanavas C-i metetdaktsü.
Department-i school tem dang kaketshir ajak tesem ka nung adenshitsü mesüra class tenzüktsü atema tetuyuba kecha magütsü, ta paisa ashi.
Tele/Radio Tutoring Programme ya khen nung class ana dang agitsü atema sentong renema lir anungji, Schools/Village Council hall nung telecast asüdang kaketshir aika madenshitsü, ta Shanavas-isa ashi.
Department-isa ‘Youtube’ aser ‘Facebook’ nung Doordarshan telecast indang video tem sayur aser iba ya tsüraburtem/kaketshirtemi download sür reprangtsü akok, ta paisa shisem.