School Education Dept-i metetdaktsür

Dimapur, Rongjui/September 10 (TYO): Directorate of School Education-i sangdong ka ajanga ashiba agi, Right of Children to Free and Compulsory Education Act 2009 (RTE Act) kübok tanur arishi küm 6 nungi 14 tsüngda alirtem nem Free & Compulsory education agütsütsü jangja jangja metetdakja lir aser yamaji Department of School Education-i RTE Act 2009 benoka inyaktsü asoshi maneni inyaka arudar.
Anungji iba dak sendakba nung ‘Child Enrolment Helpline’ ka Directorate of School Education-i tenzükogo aser WhatsApp No: 60092 56788 ajanga tashishiba balala benoktettsü. Nüburtemi ajaki department den WhatsApp mesera Text Message ajanga teküboklen agüja aliba osang kija agüja dept den sendakteptettsü.
1. School-i aotsü nüngdakba tanur tenüng aser arishi küm
2. Local guardian/ tsürapur tenüng aser Address
3. Local guardian/Parent contact number (lira)
4. parnok aliba tesem anasa government school anasatiba
SDEO/DEO den tongteprateper tanur ya parnok anasa aliba school-i yoktsü merangtsü. Temetettsükaji iba tashishiba agütsür tenüng memetetdaktsütsü. Osang taila agütsütem ozüng kübok merenshitsü kechiyong iba ajanga tai maketba lisopur ka tenüng menüktsür. Nagaland nung aliba nüburtem ajak dang tanur ka danga school-i meyoki metoktsütsü asoshi tejakleni arua shilem agitsü atema metetdaktsüogo.